Իրանի ամենամեծ նավահանգստում՝ Բանդար Աբբասում երեկ տեղի ունեցած հզոր պայթյունի զոհերի թիվը հասել է 25-ի, վիրավորվել է ավելի քան 1100 մարդ, հաղորդում են պետական լրատվամիջոցները։
Հրշեջները շարունակում են աշխատել հրդեհը լիովին մարելու համար։ Նահանգում եռօրյա սուգ է հայտարարված։
Պայթյունի ճշգրիտ պատճառը դեռ պարզված չէ, նախագահ Մասուդ Փեզեշքիանը հանձնարարել է հետաքննություն սկսել։ Նախնական վարկածներով, այն տեղի է ունեցել կոնտեյներում առկա քիմիական նյութերից։ Նավահանգստի մաքսային ծառայությունը հաղորդել էր, որ տարածքում, որտեղ տեղի էր ունեցել պայթյունը, ամենայն հավանականությամբ «պահվել են վտանգավոր բեռներ ու քիմիական նյութեր»։
