Իրանական նավահանգստում այսօր տեղի ունեցած խոշոր պայթյոնից առնվազն ութ մարդ է զոհվել, վիրավորների թիվը հասել է 750-ի, պետական հեռուստաընկերությանը հայտնել է երկրի ներքին գործերի նախարարը:
«Այլ քաղաքներից ու Թեհրանից բոլոր ռեսուրսները տեղափոխվել են այստեղ, հույս ունենք առաջիկա ժամերին մարել կրակը», - ասել է Էսկանդար Մոմենին:
Աղետը տեղի է ունեցել Շահիդ Ռաջայի նավահանգստի տարածքում պահվող կոնտեյներների պայթյունի պատճառով։
Ռաջայի նավահանգիստը գտնվում է Իրանի մայրաքաղաք Թեհրանից մոտ 1050 կիլոմետր հարավ-արևելք՝ Հորմուզի նեղուցի վրա, որով անցնում է նավթի առևտրի 20 տոկոսը:
