Ուկրաինայի նախագահ Վլադիմիր Զելենսկին հայտարարել է, որ Վատիկանում ԱՄՆ նախագահ Դոնալդ Թրամփի հետ հանդիպմանը քննարկել է Ռուսաստանի հետ հնարավոր հրադադարը, որը պետք է լինի առանց նախապայմանների։
Թրամփն ու Զելենսկին հանդիպել էին Հռոմի պապ Ֆրանցիսկոսի հուղարկավորության արարողության շրջանակներում։
«Մենք շատ բան քննարկեցինք դեմ առ դեմ։ Հուսով ենք հասնել հուսալի և երկարատև խաղաղության, որը կկանխի մեկ այլ պատերազմի բռնկումը», - գրել է Զելենսկին X-ում։
Սա երկու առաջնորդների առաջին շփումն էր փետրվարին Սպիտակ տան Օվալաձև աշխատասենյակում տեղի ունեցած վիճաբանությունից հետո։
Ավելի վաղ Reuters-ը հաղորդել էր, որ Ուկրաինան և եվրոպացի դաշնակիցները տարաձայնություններ ունեն խնդրի կարգավորման ամերիկյան ծրագրի հետ, որով Վաշինգտոնը առաջարկում է Ղրիմը իրավականորեն ճանաչել որպես ռուսական տարածք։
