Իրանի կառավարական պատվիրակությունը Ադրբեջանի փոխվարչապետ Շահին Մուստաֆաևի ուղեկցությամբ այցելել է Զանգելան՝ ծանոթանալու ճանապարահային և էներգետիկ համատեղ նախագծերի աշխատանքներին, այս մասին հայտնում են ադրբեջանական աղբյուրները։
ԱՊԱ գործակալության փոխանցմամբ՝ Մուստաֆաևն ու Իրանի ճանապարհների և քաղաքաշինության նախարար Ֆարզանա Սադեկը քննարկել են Օրդուբադ-Սիյարուդ ավտոմոբիլային կամրջի նախագիծը, որը երկրորդ կամուրջն է, որ Իրանի տարածքով կկապի «Արևելյան Զանգեզուրի տնտեսական շրջանը Նախիջևանի Ինքնավար Հանրապետության հետ»։
