Մեկ զինծառայող ականապայթյունային վնասվածք է ստացել, «Ազատության» հետ զրույցում հաստատեց ՊՆ մամուլի խոսնակ Արամ Թորոսյանը:
«Ականապայթյունային վնասվածք ստացած զինծառայող կա, որի կյանքին վտանգ չի սպառնում, վիճակը գնահատվում է բավարար, այլ մանրամասներ չեմ կարող հաղորդել», - նշեց խոսնակը:
Դեպքի հանգամանքները և վայրը ՊՆ-ն չի բացահայտում:
Տավուշում գտնվող ընդդիմադիր «Հայաստան» խմբակցության պատգամավոր Գառնիկ Դանիելյանն «Ազատության» հետ զրույցում հայտնեց՝ ականի պայթյունը տեղի է ունեցել Բերքաբերի հատվածում:
«Հայտնի է, որ ականի պայթյունից ոտնաթաթն է վնասվել, տարել են հոսպիտալ, և այնտեղ այս պահին ինչ-որ վիրահատական աշխատանքներ են տարվում», - ասաց Դանիելյանը:
