Իսրայելի օդային հարվածների հետևանքով Հալեպում Սիրիայի բանակի առնվազն 36 զինվոր է զոհվել, տասնյակ մարդիկ վիրավորվել։
Մարդու իրավունքների սիրիական դիտորդական կենտրոնի համաձայն, իսրայելական ավիահարվածները, որոնք իրականացվել են մարտի 29-ի լուսադեմին, թիրախավորել են Հալեպի միջազգային օդանավակայանի մոտ գտնվող Ջիբրին շրջանում լիբանանյան շիա իրանամետ շարժմանը պատկանող զենքի պահեստը:
Կազմակերպության տեղեկություններով՝ իսրայելական ռմբակոծության թիրախ են դարձել նաև ալ-Սաֆիրա քաղաքի որոշ գործարաններ, պայթյուններ են հնչել Հալեպի արևմուտքում։