ՄԱԿ-ի Միջազգային դատարանում մեկնարկել են պաղեստինյան տարածքներում Իսրայելի գործողությունների իրավական հետևանքների վերաբերյալ լսումները, որի ընթացքում ակնկալվում է ավելի քան հինգ տասնյակ պետությունների ներկայցուցիչների ելույթներ։
Նման խնդրանքով 2022 թվականի դեկտեմբերին ՄԱԿ-ի գլխավոր ասամբլեան էր դիմել Միջազգային դատարան։ Խոսքը, մասնավորապես, «պաղեստինյան ժողովրդի ինքնորոշման իրավունքը Իսրայելի կողմից շարունակական ոտնահարման» մասին է, նշում է ««Ֆրանսպրես» գործակալությունը՝ վկայակոչելով հայցը։
Դատարանից, մասնավորապես, ակնկալվում է պատասխանել՝ ինչ հետևանքներ ունի ստեղծված իրավիճակը ՄԱԿ-ի և այլ երկրների համար։
Արդարադատության միջազգային դատարանի խորհրդատվական կարծիքը կատարման պարտադիր ուժ չունի։
Լսումները տեղի են ունենում Գազայի հատվածում Իսրայելի ռազմական գործողությունների հետ կապված Նեթանյահուի կառավարության դեմ միջազգային ճնշումների ֆոնին։
