Պաղեստինի ինքնավարության առաջնորդ Մահմուդ Աբասը "On" հեռուստաընկերության հարցազրույցում երեք պայման է առաջ քաշել, որոնց կատարման դեպքում Պաղեստինը կարող է ստանձնել Գազայի հատվածի կառավարումը:
Այդ պայմաններն են՝ կրակի լիակատար դադարեցում, մարդասիրական օգնության տրամադրում, Գազայի հատվածի բնակիչներին պապենական հողերից տեղահանելու փորձերի դադարեցում։
Պաղեստինյան անկլավ Գազայի հատվածը գտնվում է «Համաս»-ի վերահսկողության ներքո, որը ԱՄՆ-ի և ԵՄ-ի կողմից ճանաչվել է ահաբեկչական կազմակերպություն։
