Freedom Now միջազգային իրավապաշտպան կազմակերպությունը դատապարտում է Ադրբեջանում Abzas Media-ի տնօրեն Ուլվի Հասանլիի և խմբագիր Սևինչ Վագիֆգիզի ձերբակալությունը և պահանջում անհապաղ ազատ արձակել նրանց։
Կազմակերպությունը նաև խորը մտահոգություն է հայտնել ակտիվիստ Մոհամեդ Քեկալովի ձերբակալության կապակցությամբ, ում բերման էին ենթարկել քաղաքացիական հագուստով անձինք։
«Մենք կոչ ենք անում Ադրբեջանի իշխանություններին անհապաղ ազատ արձակել նրանց ու չեղարկել բոլոր մեղադրանքները»,- նշաված է հայտարարությունում։
Ադրբեջանական մամուլում անկախ մնացած եզակի լրատվամիջոցի ղեկավար Ուլվի Հասանլին ձերբակալվել էր նոյեմբերի 20-ին, իսկ Սևինչ Վագիֆգիզին հաջորդ օրը։ Նրանք մեղադրվում են արտարժույթի մաքսանենգության հոդվածով։ Ակտիվիստ Մոհամեդ Քեկալովի ձերբակալությունը ևս կապված է Abzas Media -ի գործի հետ։
