Երևանի ավագանին հոկտեմբերի 26-ին արտահերթ նիստ է հրավիրել, օրակարգում փոխքաղաքապետերի նշանակման հարցն է։
Քաղաքապետի առաջին տեղակալի պաշտոնի համար առաջադրված է արտակարգ իրավիճակների նախկին նախարար, իշխող «Քաղաքացիական պայմանագրից» Արմեն Փամբուխչյանի թեկնածությունը:
Երևանի քաղաքապետի նախկին պաշտոնակատար, «Իմ քայլը» խմբակցության նախկին քարտուղար Լևոն Հովհաննիսյանը, նախկին պատգամավոր, արդարադատության նախկին փոխնախարար Սուրեն Գրիգորյանը և ՔՊ-ի հետ հուշագիր ստորագրած «Հանրապետություն» կուսակցության անդամ Սարգիս Մադաթյանը կառաջադրվեն քաղաքապետի մյուս երեք տեղակալների պաշտոններում։
Քաղաքապետի տեղակալների նշանակումը քվեարկությամբ է իրականացվում։ Հինգշաբթի նշանակված նիստում եթե կողմ ձայները գերազանցեն դեմ քվեներին, «Քաղաքացիական պայմանագրի» ու «Հանրապետության» ներկայացուցիչները տեղակալներ կդառնան։
