Վրաստանի խորհրդարանում ընթանում է նախագահի իմփիչմենթի հարցի քննարկման գործընթացը, որին ընդդիմության մի մասը չի մասնակցում:
Նիստին նախորդել է Սահմանադրական դատարանի որոշումը, ըստ որի՝ նախագահ Սալոմե Զուրաբիշվիլին առանց կառավարության թույլտվության միջազգային այցեր ու տարբեր պետությունների ղեկավարների հետ հանդիպումներ իրականացնելով խախտել է երկրի Հիմնական օրենքը։
Վրաստանի նախագահին պաշտոնանկ անելու համար խորհրդարանում անհրաժեշտ է 100 ձայն։ «Վրացական երազանք» իշխող մեծամասնությունն ու «Ժողովրդի իշխանություն» իշխանամետ խմբակցությունը միասին ունեն 85 ձայն: «Եվրոպական սոցիալիստներից» ընդամենը չորս պատգամավոր է պատրաստակամություն հայտնել կողմ քվեարկել իշխանության նախաձեռնությանը, մյուս պատգամավորները մտադիր են դեմ քվեարկել նախագահի իմփիչմենթին։
