Վաշինգտոնում չեն բացառում, որ ամերիկյան զորքերը կարող են ներգրավվել Գազայի հատվածում պատանդ պահվող համաքաղաքացիներին ազատելու համար: Այդ մասին հոկտեմբերի 15-ին Fox News-ին ասել է ԱՄՆ Ազգային անվտանգության խորհրդի ռազմավարական հաղորդակցության համակարգող Ջոն Քիրբին:
Նա ընդգծել է, որ Վաշինգտոնում ոչ մի ծրագիր կամ մտադրություն չկա, սեղանին են բոլոր հնարավոր տարբերակները:
«Ես ոչինչ չեմ բացառի, երբ խոսքը պատանդ պահվող մեր քաղաքացիներին տուն բերելու մասին է», - ասել է Քիրբին:
Նա նաև նշել է, որ ԱՄՆ նախագահ Ջո Բայդենի վարչակազմը «աշխատում է ամեն ժամ» Գազայում ամերիկացի պատանդների հարցի վրա:
«Սա նախագահի ամենաբարձր առաջնահերթությունն է, և մենք կանգ չենք առնի այնքան ժամանակ, մինչև չկարողանանք տուն բերել նրանց», - ավելացրել է Քիրբին:
