Արայիկ Հարությունյանը Բաքվում հարցաքննվել է, հաղորդում է Trend գործակալությունը՝ վկայակոչելով՝ Հարությունյանի փաստաբան Ալով Սաֆարալիևին։
«Այսօր ես որպես պաշտպան, ներկա եմ եղել Հարությունյանի հարցաքննությանը։ Նրա պաշտպանությունը կիրականացվի Ադրբեջանի օրենսդրությանը և միջազգային կոնվենցիաների պահանջներին համապատասխան»,- ասել է փաստաբանը։
Ադրբեջանական տելեգրամյան ալիքները Հարությունյանի ձերբակալությունից լուսանկարներ են հրապարակում։
Արցախի նախկին նախագահներ Արկադի Ղուկասյանի, Բակո Սահակյանի, Արայիկ Հարությունյանի ու Ազգային ժողովի նախագահ Դավիթ Իշխանյանի ձերբակալության մասին Բաքուն երեկ հաղորդեց։
