Թուրքիան ուշադիր հետևում է տարածաշրջանում առկա իրավիճակին՝ Ղարաբաղում հակաահաբեկչական միջոցառումների կապակցությամբ, և վերստին ընդգծում է իր աջակցությունն Ադրբեջանի և Հայաստանի միջև կայուն խաղաղություն հաստատելու ջանքերին։
Այդ մասին ասվում է Թուրքիայի ազգային պաշտպանության նախարարության պաշտոնական ներկայացուցչի հայտարարությունում:
Նախարարությունը նշում է, որ Թուրքիան Ադրբեջանի հետ միասին շարունակելու է զորավարժությունները, օգնության տրամադրումը և խորհրդակցությունները՝ «մեկ ազգ, երկու պետություն» կարգախոսին համապատասխան:
«44-օրյա պատերազմի երրորդ տարեդարձի և սեպտեմբերի 27-ի հիշատակի օրվա կապակցությամբ մենք հարգում ենք Ադրբեջանի անկախության և տարածքային ամբողջականության համար իրենց կյանքը նվիրաբերած բոլոր նահատակների հիշատակը»,- ասվում է Թուրքիայի պաշտպանական գերատեսչության հայտարարությունում:
