ԱՄՆ Կոնգրեսում Ադրբեջանի դեմ պատժամիջոցների կոչով օրինագիծ է շրջանառվում

Նյու Ջերսի նահանգից ընտրված հանրապետական կոնգրեսական Քրիս Սմիթը ԱՄՆ Ներկայացուցիչների տանը նախօրեին շրջանառության մեջ է դրել «Լեռնային Ղարաբաղի հայերի էթնիկ զտումը կանխելու մասին» օրինագծի նախագիծը, որին միացել են նաև կոնգրեսականներ Բրեդ Շերմանը, Գաս Բիլիրակիսը, Ֆրենչ Հիլը և Ջիմ Կոստան։

Փաստաթղթի հեղինակներն առաջարկում են պատժամիջոցներ սահմանել ադրբեջանցի այն պաշտոնյաների նկատմամբ, որոնք կանգնած էին Լեռնային Ղարաբաղի շրջափակման և այդ տարածաշրջանի դեմ հարձակման հետևում, և վերագործարկել թիվ 907 լրացման գործողությունը՝ բացառելով ԱՄՆ ուղղակի ռազմական օժանդակությունը Ադրբեջանին։

Բացի այդ, նախագծի հեղինակները ամերիկյան կառավարությանն առաջարկում են «օտարերկրյա ռազմական օժանդակություն տրամադրել Հայաստանին»։

Միացիր մեզ Տելեգրամում

Սեղմել այստեղ