«ԿԽՄԿ-ն (Կարմիր խաչի միջազգային կոմիտեն) հսկայական աշխատանք է կատարում գետնի վրա՝ շատ դժվար հանգամանքներում», - Թվիթերում գրել է Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարը։
«Կարևոր է, որ նրանք կարողանան ազատ գործել։ ԵՄ-ը լուրջ է վերաբերվում նրանց զգուշացումներին», - գրել է ԵՄ հատուկ ներկայացուցիչը։
Կարմիր խաչի միջազգային կոմիտեն երեկ ահազանգել էր՝ չնայած համառ ջանքերին՝ ներկայում ի վիճակի չէ մարդասիրական օգնություն հասցնել Արցախ՝ ինչպես Լաչինի միջանցքով, այնպես էլ այլ ուղիներով, ներառյալ՝ Աղդամը:
