«Մեծ յոթնյակի» երկրները Վիլնյուսում ՆԱՏՕ-ի գագաթնաժողովի ավարտից հետո ընդունել են Ուկրաինային անվտանգության երաշխիքներ տրամադրելու բանաձևը:
Փաստաթուղթը ենթադրում է երկարաժամկետ կտրվածքով Ուկրաինան պաշտպանելու և ապագայում ռուսական հնարավոր ագրեսիան զսպելու գործողություններ:
«Մեծ յոթնյակը» պարտավորվում է Ուկրաինային մատակարարել արդիական սպառազեն, իրականացնել ուկրաինական զինվորականների ուսուցումը և հետախուզական տվյալներ փոխանակել:
Ուկրաինան, իր հերթին, պարտավորվում է շարունակել բարեփոխումները և դրանով վերահաստատել հավատարմությունը ժողովրդավարական վերահսկողության, օրենքի գերակայության, մարդու իրավունքների ապահովման և խոսքի ազատության սկզբունքներին:
