«Նախագահ Բայդենը կշարունակի զբաղվել Թուրքիային F-16 օդանավերի տրամադրման հարցով՝ խորհրդակցություններ անցկացնելով Կոնգրեսի անդամների հետ», - այսօր Վիլնյուսում հայտարարել է Սպիտակ տան ազգային անվտանգության հարցերով խորհրդական Ջեյք Սալիվանը։
«Բայդենը շատ հստակորեն արտահայտվել էր օդանավերի՝ Թուրքիային փոխանցման օգտին», - հայտարարել է Սալիվանը՝ ընդգծելով, որ ԱՄՆ նախագահը «որևէ վերապահում այս հարցում չի հնչեցրել և ցանկանում է առաջընթացի հասնել»։
Սալիվանի հայտարարությունը հնչել է Թուրքիայի և Շվեդիայի միջև ձեռք բերված պայմանավորվածություններից մի քանի ժամ անց. երեկ երեկոյան Վիլնյուսում կայացած բանակցությունների արդյունքում Թուրքիայի նախագահը համաձայնել էր Շվեդիայի՝ Հյուսիսատլանտյան դաշինքի անդամակցության հարցը փոխանցել երկրի խորհրդարան՝ վավերացման նպատակով։
