Կիևի իշխանությունները հայտնել են, որ այս գիշեր ևս ռուս զինվորականներն իրանական անօդաչու սարքերով գրոհել են Ուկրաինայի մայրաքաղաքի վրա։ Նրանց վկայությամբ՝ բոլոր «Շահեդ»-ները խոցվել են հակաօդային պաշտպանության համակարգերի միջոցով։
Հաղորդվում է, որ անօդաչու թռչող սարքերի բեկորներ են ընկել Կիևի շրջանի երկու թաղամասերում, վնասվել է 12 առանձնատուն և մեկ բազմահարկ շենք։
Հնարավոր տուժածների մասին տեղեկություններ չկան։
