Ռուսաստանի տարածքում արգելափակվել են մի շարք ինտերնետային ռեսուրսները՝ «ռազմական հեղաշրջմանը միանալու կոչերի տարածումը կանխելու նպատակով», «Ինտերֆաքսին» հայտնել են Ռոսկոմնադզորից։
Թե որ հարթակների մասին է խոսքը, գերատեսչությունը չի պարզաբանել։ Այսօր ավելի վաղ հայտնի է դարձել , որ ՌԴ գլխավոր դատախազության պահանջով արգելափակվել է «Վկոնտակտե» սոցիալական ցանցում «Վագներ»-ի վարձկանների պաշտոնական էջը։
Անվտանգության դաշնային ծառայությունը քրեական գործ է հարուցել «Վագներ» մասնավոր ռազմական խմբավորման ղեկավար Եվգենի Պրիգոժինի դեմ`ռազմական հեղաշրջման կոչ հնչեցնելու համար: Պրիգոժինն, իր հերթին, մեղադրում է Ռուսաստանի պաշտպանության նախարարությանը իր վարձկանների ուղղությամբ կրակ բացելու համար: Երեկ ուշ երեկոյան նա հայտարարել է, թե «արդարության երթ է սկսում» նախարարության դեմ`կոչ անելով ռուսաստանցիներին միանալ իրեն: Այսօր խմբավորումը հայտարարում է Ռոստովում վերահսկողության մասին։
Վլադիմիր Պուտինն այդ քայլերն անվանեց խռովություն, դավաճանություն, հարված թիկունքին։
