Ուկրաինայի նախագահ Վլադիմիր Զելենսկին այսօր ժամանել է Մոլդովա, որտեղ կմասնակցի Եվրոպական համայնքի գագաթնաժողովին:
Այն գումարվում է Քիշնևից մոտ 45 կիլոմետր հարավարևելք գտնվող Բուլբուակա գյուղակի «Միմի» անվամբ պատմական գինեգործական համալիրի պալատում:
«Այսօր աշխատում ենք Մոլդովայում, մասնակցում ենք Եվրոպական քաղաքական համայնքի գագաթնաժողովին, ենթադրվում են բազմաթիվ երկկողմ հանդիպումներ: Քննարկելու ենք կործանիչների, «Փեթրիոտների», Եվրամիության, ՆԱՏՕ-ի և «Խաղաղության բանաձևի» թեմաները», - Տելեգրամ-ալիքում գրել է Զելենսկին:
Եվրոպական քաղաքական համայնքի ստեղծումը Ֆրանսիայի նախագահ Էմանյուել Մակրոնի գաղափարն է: Այն կոչված է համակագրելու մայրցամաքում Եվրամիության և դրան չանդամակցող պետությունների քաղաքական գործողությունները:
Այս հավաքին մասնակցում են և այսօր ավելի ուշ միջնորդների ընկերակցությամբ պետք է հանդիպեն Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը:
