Թուրքիայի նախագահ Ռեջեփ Էրդողանը, երեքշաբթի օրը ելույթ ունենալով իշխող «Արդարություն և զարգացում» կուսակցության նիստում, հայտարարել է, որ Թուրքիան շատ ավելի մեծ է, քան 780 հազար քառակուսի կիլոմետր տարածքն ու 85 միլիոն բնակչությունը։ «Աշխարհում մեր երկրի յուրաքանչյուր ընկերը մեծ Թուրքիայի մասնիկն է», - ասել նա։
Էրդողանի խոսքով՝ մարդկությունը վերապրում է ուժերի հավասարակշռության փոփոխության ծայրահեղ կարևոր դարաշրջան, և աշխարհաքաղաքական վերափոխումների ու ռիսկերի ֆոնին Թուրքիան պարտավոր է ուժեղ և համախմբած լինել։
«Մենք աշխարհին ցույց տվեցինք, որ գործոն ենք հանդիսանում, որն անհրաժեշտության դեպքում տեղերում փոխում է իրավիճակը։ Դրա օրինակները շատ են՝ Արևելյան Միջերկրականից մինչև Թուրքիայի հարավային սահմանների մոտի իրավիճակը, Սև ծովից մինչև Կովկաս», - ասել է նա։
Ընդհանուր առմամբ Էրդողանը խոսել է տարբեր ոլորտներում և արտաքին քաղաքականությում Թուրքիայի հաջողություններից։
Մայիսի 14-ին Թուրքիայում նախագահական և խորհրդարանական ընտրություններ են։
