«ՄԱԿ-ի Անվտանգության խորհրդում Ռուսաստանի նախագահությունը ապտակ է միջազգային հանրությանը»,- Թվիթերում գրել է Ուկրաինայի արտգործնախարար Դմիտրի Կուլեբան։
Ուկրաինացի պաշտոնյան նույն գրառման մեջ կոչ է արել ԱԽ-ի գործող անդամներին կասեցնել նախագահությունը չարաշահելու Ռուսաստանի փորձերը։
Ռուսաստանը ՄԱԿ-ի ԱԽ-ի նախագահությունը ստանձնում է ապրիլի 1-ից։ Կառույցը կոչված է ապահովել միջազգային խաղաղություն և անվտանգություն, դրա լիազորությունները ներառում են խաղաղապահ գործողությունների հաստատումը, միջազգային պատժամիջոցների սահմանում։
ՄԱԿ-ի Անվտանգության խորհրդի մշտական անդամներն են՝ Ռուսաստանը, Մեծ Բրիտանիան, Ֆրանսիան, ԱՄՆ-ն և Չինաստանը։
