Ճապոնիան սաստկացրել է Ուկրաինա ներխուժման պատճառով Ռուսաստանի դեմ պատժամիջոցները և սահմանափակումներ է մտցրել 48 ֆիզիկական անձանց ու 94 կազմակերպությունների դեմ: Նրանց ակտիվները Ճապոնիայում կսառեցվեն, իսկ ֆինանսական գործողությունները կսահմանափակվեն:
Պատժամիջոցների տակ են հայտնվել մասնավորապես Ռուսաստանի պաշտպանության փոխնախարար Վիկտոր Գորեմիկինը, «Կալաշնիկով» ընկերության նախագահը, Դոնբասի ինքնահռչակ հանրապետությունների ղեկավարները, «Ռոսբանկ»-ը և Ուկրաինա պատերազմի մարտիկներ ուղարկող «Վագներ» ընկերությունը:
