Կոսովոյի հյուսիսում Միտրովիցա քաղաքի սերբերն այսօր առավոտյան նոր բարիկադներով փակել են ճանապարհները։ Բեռնատարները կանգնեցվել են սերբերի ու ալբանացիների թաղամասերը կապող ճանապարհների վրա։
Սերբիան երեկ երեկոյան հայտարարել է բանակն ու ռազմական ոստիկանությունը մարտական պատրաստվածության բերելու մասին։ «Խուճապի պատճառ չկա, բայց պատճառ կա մտահոգվելու», - ասել էր Սերբիայի պաշտպանության նախարարը։
Բելգրադը չի ճանաչում 2008-ին Սերբիայից անջատված Կոսովոյի անկախությունը։ Կոսովոյի հյուսիսում շուրջ 50 հազար սերբ է բնակվում և տարբեր առիթներով պարբերաբար լարվածություն է առաջաում Պրիշտինայի ու սերբաբնակ շրջանի միջև։
