Իրանում սաստկացող ցույցերի ու լայնածավալ գործադուլների ֆոնին լրատվամիջոցները հայտնում են բարոյականության ոստիկանության լուծարման մասին։
ISNA լրատվական գործակալության հաղորդմամբ՝ երկրի գլխավոր դատախազն ասել է, որ կրոնական ոստիկանությունը, որը պատասխանատու է իսլամական հագուստի կանոնների պահպանման համար, վերացվում է: Միևնույն ժամանակ, նշվում է, որ հիջաբի մասին օրենքները կվերացվեն կամ կազատականացվեն։
Երկրում արդեն մի քանի ամիս է՝ զանգվածային ցույցեր են։ Դրանք բռնկվել են ծագումով քուրդ 22-ամյա Մահսա Ամինիի մահից հետո։ Երիտասարդ կինը ձերբակալվել էր հիջաբը ոչ պատշաճ կրելու մեղադրանքով։
Զանգվածային ցույցերի հետևանքով, ըստ իրավապաշտպանների, առնվազն 470 մարդ է զոհվել, 18 հազար մարդ էլ ձերբակալվել է։ Պաշտոնական տվյալներով՝ զոհվածների թիվը շուրջ 300 է:
