Միացյալ Նահանգները դիտարկում է պահեստներից ավելի հին սերնդի հակաօդային պաշտպանության HAWK համակարգեր Ուկրաինա ուղարկելու հարցը, որ կօգնեն խոցել ռուսական անօդաչու թռչող սարքերը և թևավոր հրթիռները, Reuters-ին հայտնել են ԱՄՆ երկու պաշտոնյաներ:
HAWK համակարգերը հիմնված են Վիետնամի ժամանակաշրջանի տեխնոլոգիայի վրա, սակայն մի քանի անգամ արդիականացվել են:
ԱՄՆ նախագահ Ջո Բայդենը Ուկրաինայի նախագահ Վլադիմիր Զելենսկուն խոստացել է, որ Վաշինգտոնը Ուկրաինային արդիական օդային համակարգեր կտրամադրի՝ ուկրաինական քաղաքացիական օբյեկտների և ենթակառուցվածքների վրա Ռուսաստանի ավերիչ հրթիռային հարձակումներից հետո:
Փետրվարի 24-ին Ռուսաստանի կողմից Ուկրաինա ներխուժումից ի վեր ԱՄՆ-ը արդեն Կիև է ուղարկել մոտ 17,6 միլիարդ դոլարի օգնություն:
