Մատչելիության հղումներ

Ջերմուկում և Ներքին Հանդում իրավիճակը հանգիստ է


Հայաստանի ԶՈՒ զինծառայողը Ադրբեջանի հետ սահմանին մարտական հերթապահության ժամանակ, արխիվ
Հայաստանի ԶՈՒ զինծառայողը Ադրբեջանի հետ սահմանին մարտական հերթապահության ժամանակ, արխիվ

Ջերմուկի փոխքաղաքապետ Վարդան Սարգսյանն «Ազատության» հետ զրույցում ասաց, որ գիշերը և առավոտյան իրավիճակը հանգիստ է, հրադադարը պահպանվել է:

Սյունիքի մարզի Ներքին Հանդ համայնքի ղեկավար Խաչատուր Բաղդասարյանը ևս առավոտյան «Ազատության» հետ զրույցում հայտնեց, որ գիշերը խաղաղ է անցել:

Երեկ երեկոյան Պաշտպանության նախարարությունը հայտնեց, որ ժամը 18:00-ից սկսած, Ադրբեջանի ԶՈւ ստորաբաժանումները, ականանետերի և խոշոր տրամաչափի հրաձգային զինատեսակների կիրառմամբ, կրակ են բացել հայ-ադրբեջանական սահմանի արևելյան հատվածում տեղակայված մարտական դիրքերի ուղղությամբ, հայկական կողմը 3 զոհ ունի:

Ադրբեջանի պաշտպանության նախարարությանն էլ իր հերթին հաղորդել է, թե հայկական կողմն է խախտել հրադադարը: Ադրբեջանական կողմը հայտնել է մեկ վիրավորի մասին:

XS
SM
MD
LG