Հայաստանի 18 համայնքներում կայացած ՏԻՄ ընտրություններին մասնակցել է 119 հազար 469 ընտրող` քվեարկության իրավունք ունեցող (236 հազար 724) քաղաքացիների 50.47 տոկոսը, փոխանցում են ԿԸՀ-ից:
Առավել ակտիվ Քաջարանն է եղել` 77.77 տոկոս, ընտրություններին ամենաքիչը մասնակցել են Ջրվեժում` 27.20 տոկոս:
Համամասնական ընտրակարգով հերթական ընտրություններ են անցկացվել Արագածոտնի, Գեղարքունիքի, Լոռու, Կոտայքի, Շիրակի, Սյունիքի, Վայոց ձորի և Տավուշի մարզերի 17 համայնքում, իսկ Արագածոտնի մարզի Ալագյազ համայնքում` մեծամասնական ընտրակարգով:
Գրանցվել է 14 կուսակցություն և 12 դաշինք:
