Ուկրաինայի նախագահ Վլադիմիր Զելենսկին պնդում է, որ չնայած ռազմաճակատում տիրող ծանր կացությանը երկրի Զինված ուժերը շարունակելու են դիմադրել ռուսական հարձակմանն։ Այս մասին Զելենսկին հայտարարել է երկուշաբթի ուշ երեկոյան իր ամենօրյա ուղերձում։
«Օրվա ընթացքում ռազմի դաշտում զգալի փոփոխություններ տեղի չեն ունեցել։ Թշնամին շարունակում է ահաբեկել մեր սահամանամերձ շրջանները, այդ թվում` Սումիի մարզը, Խարկով քաղաքը և մարզի մի շարք շրջաններ, Դոնբասը։ Ուկրաինայի Զինված ուժերը շարունակում են իրենց ամենօրյա դիմադրությունը՝ հետ մղելով թշնամուն, ոչնչացնելով նրա հարձակողական ներուժը։ Այս ամենը ժամանակ և գերմարդկային ճիգեր է պահանջում, բայց մենք այլընտրանք չունենք», - հայտարարում էր Զելենսկին։
