Ռուսաստանի նախագահ Վլադիմիր Պուտինի հինգշաբթի և ուրբաթ օրերին հեռախոսազրույցներ է ունեցել Հայաստանի վարչապետ Նիկոլ Փաշինյանի հետ, լրագրողներին հայտնել է Կրեմլի խոսնակ Դմիտրի Պեսկովը։
«Քննարկվել է իրավիճակը Ղարաբաղում շփման գծում», - ասել է Պեսկովը՝ մանրամասներ չփոխանցելով։
Զրույցների մասին պաշտոնական հաղորդագրություն Կրեմլը դեռ չի տարածել։
Կառավարությունից «Ազատությանը» տեղեկացրին, որ Փաշինյան-Պուտին հեռախոսազրույցներ պարբերաբար են լինում և դրանցից ոչ բոլորն են լուսաբանվում։ Գործադիրից պարզաբանում են, որ միայն կարևոր հեռախոսզարույցների մասին է պաշտոնական էջում տեղեկացվում։
Հայաստանի վարչապետի աշխատակազմի լրատվականը ուրբաթ երեկոյան հաղորդագրություն է տարածել նույն օրը կայացած հեռախոսազրույցի մասին։ Ըստ հաղորդագրության՝ երկու պետությունների ղեկավարները պայմանավորվել են ջանքեր գործադրել Լեռնային Ղարաբաղում ստեղծված ճգնաժամային իրավիճակը կարգավորելու ուղղությամբ։ Փաշինյանը նաև «հարցադրում է արել տվյալ իրավիճակում ռուս խաղաղապահների գործողությունների հետաքննության անհրաժեշտության մասին և ընդգծել ռուս խաղաղապահների կողմից Ադրբեջանի զինված ուժերը ելման դիրքեր վերադարձնելու պահանջի անհրաժեշտությունը», - ասված է հայկական կողմի հաղորդագրությունում:
