Ռուսաստանի պաշտպանության նախարարությունը հաղորդում է, որ Մոսկվայի ժամանակով առավոտյան ժամը 10-ից հայտարարվել է լռության ռեժիմ, և բացվել են մարդասիրական միջանցքներ Մարիուպոլից և Վոլնովախայից խաղաղ բնակիչների դուրս գալու համար։
Ուկրաինական կողմի հետ համաձայնեցվել են մարդասիրական միջանցքները և ելքի ուղիները, ասվում է հաղորդագրության մեջ:
Ուկրաինան և Ռուսաստանը մարտի 3-ին էին պայմանավորվել հումանիտար միջանցքներ ստեղծել՝ խաղաղ բնակիչներին տարհանելու համար․ համաձայնությունը ձեռք էր բերվել կողմերի միջև տեղի ունեցած բանակցությունների արդյունքում։
