Պենտագոնի ղեկավար Լլոյդ Օսթինը և Ավստրալիայի պաշտպանության նախարար Փիթեր Դաթոնը հեռախոսով քննարկել են Ուկրաինայի շուրջ ստեղծված իրավիճակը և Վաշինգտոնի, Լոնդոնի և Կանբերայի կողմից ստեղծված նոր AUKUS անվտանգության դաշինքը: Այս մասին ասվում է ԱՄՆ պաշտպանության նախարարության պաշտոնական ներկայացուցչի հայտարարության մեջ։
Նրա խոսքով՝ Օսթինն ու Դաթոնը «քննարկել են ամերիկա-ավստրալիական դաշինքի առջև ծառացած հարցերի լայն շրջանակ»։
Բացի այդ, ԱՄՆ-ի և Ավստրալիայի ռազմական գերատեսչությունների ղեկավարները «վերահաստատել են իրենց ամուր աջակցությունն Ուկրաինային ռուսական ագրեսիայի համատեքստում» և կանոնների վրա հիմնված աշխարհակարգը պաշտպանելու կարևորությունը:
