ՀԱՊԿ անդամ երկրների պաշտպանության նախարարները վաղը տեսակոնֆերանսի միջոցով կքննարկեն Ղազախստանում խաղաղապահ գործողության անցկացումը, այս մասին ռուսաստանյան լրատվամիջոցներին հայտնել է կառույցի մամուլի քարտուղար Վլադիմիր Զայնետդինովը։
«Հունվարի 13-ին տեսակոնֆերանսի ռեժիմով տեղի կունենա Հավաքական անվտանգության պայմանագրի կազմակերպության պաշտպանության նախարարների խորհրդի արտահերթ նիստը, որի ընթացքում ՀԱՊԿ անդամ երկրների պաշտպանական գերատեսչությունների ղեկավարները կքննարկեն Ղազախստանի Հանրապետությունում խաղաղապահ գործողության անցկացման ընթացքը»,- ասել է նա։
ՀԱՊԿ հավաքական անվտանգության խորհրդի հունվարի 6-ի որոշման համաձայն՝ կազմակերպության հավաքական խաղաղապահ ուժերը սահմանափակ ժամկետով ուղարկվել են Ղազախստան՝ «իրավիճակը կայունացնելու և կարգավորելու համար»։
Ղազախստանի նախագահը երեկ հայտարարեց, որ երկրից ՀԱՊԿ ուժերի դուրսբերումը կսկսվի երկու օրից՝ կապված իրավիճակի կայունացման հետ և կիրականացվի տասնօրյա ժամկետում։
