Քաղաքային նոր իշխանություններ. ընտրողները տարբեր ակնկալիքներ ունեն իրենց նախընտրած թեկնածուներից. ոմանք կոմունալ անհարմարությունների մասին են բարձրաձայնում, որոշները համաճարակային իրավիճակի ավելի լավ հսկողություն են պահանջում, ոմանք էլ պարզապես փոփոխություն են ուզում:
«Այն, ինչ որ սկսել ենք, պետք է ավարտենք, քայլն արել ենք, պետք է վերջնական հասցնենք: Լավ օր էլ ենք տեսել, վատն էլ ենք տեսել, դժվարություններ էլ, բայց քանի որ ընտրել ենք, կամքը կայուն է: Հույսներս չենք կտրում», - ասում է քաղաքացիներից մեկը, մյուսը` հավելում. «Ես նոր փոփոխություն եմ ուզում: Ակնկալիքներս չի բավարարում: Մարդն ուզում է նորմալ ապրի, էդքան բան, ով որ լավ ապագա կցանկանա` նրան էլ կընտրենք»:
Այսօր տեղական ինքնակառավարման մարմինների ընտրություններ են անցկացվում Հայաստանի 36 համայնքներում:
«Ազատությունն» խոշոր համայնքներից Էջմիածնում օրվա առաջին կեսից ընտրողների փոքր հոսք նկատեց, սա արձանագել են նաև ընտրական հանձնաժողովների նախագահները։ Տեղամասերից մեկում, օրինակ, ժամը 11-ի դրությամբ քվեարկությանը մասնակցել էր շուրջ 1800 ընտրողներից 74-ը։
Դիտորդական առաքելություն իրականացնող «Անկախ դիտորդը» այս համայնքում քվեարկության գաղտնիության հետ կապված էական խախտումներ է արձանագրել։
Մասիսում արդեն հանձնաժողովի անդամները ակտիվության մասին էին խոսում, ընտրողներն էլ նշում՝ հաղթողը համայնքին պետք է վերաբերվի այնպես, ինչպես իր տանը։
Ինչ վերաբերում է դիտորդներին, նրանք Մասիսի տեղամասերից մեկում ուղորդումներ ու կուտակումներ են արձանագրել։
Մանրամասները` տեսանյութում.
