ՊաշտոնակաՆ Բաքուն պնդում է՝ հայկական Զինված ուժերը գնդակոծել են ադրբեջանական բանակի դիրքերը։
Ադրբեջանի պաշտպանության նախարարության այսօր տարածած հաղորդագրության համաձայն՝ Հայաստանի Զինված ուժերը նոյեմբերի 15-ին ժամը 16։15-ից մինչև նոյեմբերի 16-ի ժամը 4։30-ը գնդակոծել են ադրբեջանական զինուժի դիրքերը «Թովուզի», «Փամբակի», «Քելբաջարի», «Շամշադինի» , «Աղստաֆայի» շրջանների մի շարք բնակավայրերի ուղղությամբ։
Գերատեսչությունը նշում է, որ ադրբեջանական զինուժը «համարժեք պատասխան քայլեր է ձեռնարկել», և «օպերատիվ իրադրությունը գտնվում է ադրբեջանական բանակի վերահսկողության ներքո»։
Հայկական կողմն առայժմ չի արձագանքել ադրբեջանական կողմի մեղադրանքներին։
