ԱՄՆ պետքարտուղարության ներկայացուցիչ Ամոս Հոխշտեյնը Bloomberg-ին տված հարցազրույցում պահանջել է Ռուսաստանից ավելացնել Ուկրաինայի տարածքով Եվրոպա գազի մատակարարումները: Ամերիկացի պաշտոնյան «մտահոգիչ» է համարել հոկտեմբեր ամսվա համար Ուկրաինայի տարածքով գազի լրացուցիչ տրանզիտ ամրագրելու «Գազպրոմի» մերժումը:
«Իրականում բավականաչափ հզորությամբ գազատարներ են անցնում Ուկրաինայով՝ Եվրոպային գազ մատակարարելու համար: Ռուսաստանը բազմիցս հայտարարել է, որ ունի բավարար գազի պաշարներ դրա համար, ուստի եթե դա ճիշտ է, դա պետք է անի հնարավորինս արագ Ուկրաինայի տարածքով», - ասել է նա:
Միաժամանակ Միացյալ Նահանգների ԱԳՆ ներկայացուցիչը մեղադրել է Մոսկվային «Հյուսիսային հոսք 2» -ի գործարկումը արագացնելու ցանկության համար:
