«ԵՄ սկսում է մշակել Բելառուսի դեմ պատժամիջոցների հինգերորդ փաթեթը», -այսօր Բրյուսելում հայտարարել է ԵՄ արտաքին քաղաքական ծառայության Ռուսաստանի, «Արևելյան գործընկերության» և Կենտրոնական Ասիայի վարչության ղեկավար Լյուկ Դևինը։
«Ակնհայտ է, որ մենք շարունակելու ենք պայքարել Լուկաշենկոյի վարչակազմի կողմից [ԵՄ-ի հետ հարաբերություններում] ներգաղթյալների գործոնի կիրառման դեմ։ Այդ պայքարը նաև պատժամիջոցներ է նախատեսում», - հայտարարել է Դևինը։
Ներգաղթյալների խնդիրը Մինսկի և Բրյուսելի հարաբերություններում ծագեց այն բանից հետո, երբ ամռանը Ալեքսանդր Լուկաշենկոն հայտարարեց, որ ԵՄ սահմանած պատժամիջոցներին ի պատասխան՝ Բելառուսը այլևս նույն նպատակասլացությամբ չի պայքարելու երկրի տարածքով ԵՄ հասնել փորձող անօրինական ներգաղթյալների դեմ։
