Իսրայելի կենսաբանական հետազոտությունների ինստիտուտը և NRx դեղագործական ընկերությունն այսօր Վրաստան են առաքել Brilife հակակորոնավիրուսային պատվաստանյութի 1125 դեղաչափ՝ փորձարկումների նպատակով։
Իսրայելական կողմի փոխանցմամբ՝ դրանք օգտագործվելու են Brilife պատվաստանյութի կլինիկական փորձարկումների երկրորդ փուլի համար, որին մասնակցելու են բացառապես Վրաստանի քաղաքացի հանդիսացող կամավորները։
Իսրայելական արտադրության պատվաստանյութի կլինիկական փորձարկումները մեկնարկել են 2020 թվականի նոյեմբերին։ Մասնագետների պնդմամբ՝ փորձարկումների առաջին փուլում որևէ կողմնակի էֆեկտ չի հայտնաբերվել։
Վրաստանից և Իսրայելից բացի, Brilife-ի կլինիկական փորձարկումների մասնակցում է նաև Ուկրաինան։
