Պաշտոնական Բաքուն փորձում է լարվածության նոր օջախներ ստեղծել՝ խաթարելով տարածաշրջանային խաղաղությունը և անվտանգությունը, հայտարարում է Հայաստանի արտաքին քաղաքական գերատեսչությունը:
«Խստորեն դատապարտում ենք Հայաստանի Հանրապետության դեմ կատարված այս ոտնձգությունը, որը հանդիսանում է նաև միջազգային իրավունքի հիմնարար սկզբունքների կոպտագույն խախտում», - շեշտում է Արտգործնախարարությունը` անդրադառնալով Երասխ բնակավայրին հարող հատվածում գրանցված միջադեպին:
Ադրբեջանի ռազմաքաղաքական ղեկավարության կողմից նմանօրինակ քայլերի ձեռնարկումը, ըստ Արտաքին գործերի նախարարության, կարող է հանգեցնել իրավիճակի հետագա սրմանը, որի հետևանքների ողջ պատասխանատվությունը կրում են Ադրբեջանի իշխանությունները:
Այսօր առավոտյան ժամը 10:30-ի սահմաններում միջադեպ է գրանցվել հայ-ադրբեջանական սահմանի Երասխի հատվածում, զոհվել է Հայաստանի Զինված ուժերի զինծառայող, կորուստներ ունի նաև ադրբեջանական կողմը, հաղորդել է ՀՀ պաշտպանության նախարարությունը։
