Սահմանադրական դատարանը սահմանադրական է ճանաչել ԲՀԿ-ական պատգամավոր Նաիրա Զոհրաբյանի՝ Մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման մասին ԱԺ-ի որոշումը: Այս մասին հայտնում է բարձր դատարանի խոսնակ Եվա Թովմասյանը:
Որոշումը ՍԴ կայքում կհրապարակվի եռօրյա ժամկետում։
Որպես Զոհրաբյանի լիազորությունների դադարեցման հիմնավորում իշխող խմբակցությունը նշել էր Զոհրաբյանի մի շարք հայտարարություններ նրա ֆեյսբուքյան գրառումներից:
Ինքը՝ Զոհրաբյանն այս գործընթացը քաղաքական հետապնդում էր որակում անձամբ վարչապետ Նիկոլ Փաշինյանի կողմից:
