Այսօր առավոտից ոստիկանությունը մեծաքանակ ուժեր է կենտրոնացրել Ազգային ժողովի շենքի դիմաց:
Խորհրդարանում գլխավոր դատախազ Արթուր Դավթյանը ներկայացնում է «Բարգավաճ Հայաստան» կուսակցության առաջնորդ և խորհրդարանական խմբակցության ղեկավար Գագիկ Ծառուկյանին պատգամավորական անձեռնմխելիությունից զրկելու միջնորդությունը:
ԱԺ շենքի դիմաց ժամանակ առ ժամանակ հայտնվում էին Ծառուկյանի կողմնակիցները, սակայն ոստիկանությունը նրանց բերման էր ենթարկում:
Ոստիկանության լրատվական ծառայության փոխանցմամբ՝ ժամը 11-ի դրությամբ բերման է ենթարկվել 100-ից ավելի քաղաքացի:
