Կորոնավիրուսով վարակված Մեծ Բրիտանիայի վարչապետ Բորիս Ջոնսոնն այսօր հանրությանը տեղեկացրել է իր առողջական վիճակի մասին:
«Ողջույն, ժողովո՛ւրդ, նախ ասեմ, որ հիմա ավելի լավ եմ զգում, կարանտինի յոթ օրն անցել է, բայց դեռ ունեմ որոշ թույլ ախտանշաններ՝ ջերմում եմ»,- ասել է Ջոնսոնը:
Վարչապետը բրիտանացիներին կոչ է արել մնալ տներում, դուրս գալ ծայրահեղ անհրաժեշտության դեպքում:
Բրիտանիայում վարակվել է նաև առողջապահության նախարար Մաթ Հենքոկը, ով արդեն դադարեցրել է կարանտինը և աշխատում է սովորական ժամանակացույցով:
