Կորոնավիրուսի պատճառով Նորվեգիան չեղարկում է ՆԱՏՕ-ի հետ համատեղ զորավարժությունները:
Մարտի 2-ին մեկնարկած Cold Response կարգախոսի ներքո վարժանքները պետք է շարունակվեին մինչև մարտի 18-ը, այսօր նախատեսված էին դաշտային զորավարժություններ շուրջ 15 հազար զինվորականների մասնակցությամբ՝ ինչպես Նորվեգիայից, այնպես էլ ՆԱՏՕ-ի անդամ այլ երկրներից:
«Կորոնավիրուսի տարածումը վերահսկողությունից դուրս է եկել, մենք նախընտրում ենք պահպանել բանակի մարտունակությունը, որպեսզի հնարավորություն ունենանք հանրությանը աջակցելու սպասվող բուռն ժամանակահատվածում», - հայտարարել է Նորվեգիայի ռազմական գերատեսչությունը:
