Հայաստանի ֆուտբոլի ազգային հավաքականի ավագ Հենրիխ Մխիթարյանը այսօր առաջին խաղն անցկացրեց իտալական «Ռոմա»-ում՝ դառնալով գոլի հեղինակ:
Մխիթարյանը Հռոմում «Սասուոլո»-ի հետ հանդիպմանը խաղադաշտ դուրս եկավ «Ռոմա»-ի մեկնարկային կազմում, աչքի ընկավ լավ խաղով և 22-րդ րոպեին երրորդ գնդակն ուղարկեց հյուրերի դարպասը: Խաղն ավարտվեց դաշտի տերերի հաղթանակով՝ 4:2 հաշվով:
Սա «Ռոմա»-ի առաջին հաղթանակն է Իտալիայի Սերիա Ա-ի ընթացիկ մրցաշրջանում՝ առաջին երկու հանդիպումները թիմն ավարտել էր ոչ-ոքի:
Հենրիխ Մխիթարյանը «Ռոմա» տեղափոխվեց այս ամսվա սկզբին անգլիական «Արսենալ»-ից, մեկ տարի վարձակալության պայմանագրով:
