Նախագահ Սերժ Սարգսյանը այսօր ստորագրել է օրենքը, որով լրացումներ են կատարվել «Շրջանառության հարկի մասին» օրենքում, փոխանցում է Հայաստանի նախագահի աշխատակազմի հասարակայնության և տեղեկատվության միջոցների հետ կապերի վարչությունը:
Փետրվարի սկզբին Ազգային ժողովի ընդունած լրացումներով, հիշեցնենք, նախատեսվում է մինչև այս տարվա հուլիսի 1-ը հետաձգել «Շրջանառության հարկի մասին» օրենքի վիճահարույց դրույթների կիրառումը, ըստ որոնց՝ շրջանառության հարկ վճարողները պարտավոր են փաստաթղթավորել ապրանքներ ձեռք բերելու գործարքները, և որոնք փոքր ու միջին ձեռնարկությունների ներկայացուցիչների բողոքի ակցիաների պատճառ դարձան:
