Իրանում արգելված «Տաքսի» ֆիլմը Բեռլինի հեղինակավոր միջազգային կինոփառատոնում վաստակել է լավագույն կինոնկարի մրցանակը։
Ֆիլմը նկարահանել է անվանի իրանցի ռեժիսոր Ջաֆար Փանահին։
Մրցանակաբաշխության հանձնաժողովի նախագահ, ամերիկացի կինոբեմադրիչ Դարեն Արանոֆսկին ասել է, որ Փանահիի «Տաքսի» ֆիլմը «սիրո նամակ է կինոարվեստին, լի է սիրով իր արվեստի, համայնքի և ժողովրդի հանդեպ»։
Իրանի դատարանը Փանահիին 2010 թվականին դատապարտել է 6 տարվա ազատազրկման և 20 տարով արգելել է զբաղվել կինոարվեստով։
2012 թվականին Փանահին արժանացել է Եվրախորհրդարանի Սախարովի անվան մրցանակի` Մտքի ազատության համար։
