Փետրվարի 15-ի մամուլ
«Հրապարակ»-ը, անդրադառնալով իշխող կոալիցիայի հետ կապված զարգացումների թեմային, գրում է. - «Եթե ԲՀԿ-ի` կոալիցիայից դուրս գալը նպաստելու է մեր զարգացմանը, հասարակական համաձայնության, դեմոկրատական ինստիտուտների կայացմանը, ապա թող դա կայանա: Եթե կոալիցիայում մնալով` ԲՀԿ-ն ներսից է պայքարելու եւ ՀՀԿ - ԲՀԿ կոնֆլիկտից երկիրը շահելու է` թող մնա: Վախենամ` ոչ մնալն է նպաստելու, ոչ դուրս գալը: Եվ մենք զբաղված ենք սիզիփոսյան աշխատանքով, որը ոչնչի չի հանգեցնելու, ոչ մի տեղ չի տանելու: Եվ այդ աշխատանքով զբաղված են ոչ միայն երկու քաղաքական ուժ` տասնյակ հազարավոր անդամներով, այլ նաեւ մենք` լրագրողներս, քաղաքագետները, ընթերցողներն ու այս պրոցեսին թամաշա անող քաղաքացիները»: