Հունիսի 18-ի մամուլ
Հրաժարականից առաջ «Իրավունք»-ին տված հարցազրույցում անդրադառնալով ՀՀՇ-ՀԱԿ հարաբերություններին` ՀՀՇ-ի վարչության արդեն նախկին նախագահ Արարատ Զուրաբյանը ասել է. - «Կոնգրեսի հետ որեւէ պրոբլեմ չի եղել եւ չի կարող լինել: Չի կարող, որովհետեւ մենք ինքներս շատ լավ գիտակցում ենք, որ բոլորս իրար հետ մի նպատակի ենք ձգտում` սահմանադրական կարգի վերականգնումը: Այդ խնդիրը լուծելուց հետո մենք կարող ենք այլ հարցերի անդրադառնալ: Իսկ մինչեւ այդ խնդիրները լուծելը որեւէ խոչընդոտ չի կարող ծնվել, որը մեզ կտանի հեռացման»: