Եվրասիական բարձրագույն տնտեսական խորհրդի՝ ապրիլի 29-ին Մինսկում կայանալիք նիստի օրակարգի հիմնական հարցը Եվրասիական տնտեսական միության ստեղծումն է: «Ազատություն» ռադիոկայանի հայկական ծառայության հարցերին ի պատասխան այսօր այդ մասին ասաց Եվրասիական տնտեսական հանձնաժողովի մամլո ծառայության ղեկավար Վալերի Պետրովը:
Հարցին՝ կստորագրի՞ արդյոք Հայաստանը Մաքսային միությանը միանալու մասին որևէ փաստաթուղթ Մինսկում, պաշտոնյան հրաժարվեց պատասխանել և ասաց․ - «Հանդիպման նախօրեին մենք կներկայացնենք օրակարգը»:
Հիշեցնենք՝ օրերս Հայաստանի էկոնոմիկայի նախարարի պաշտոնակատար Վահրամ Ավանեսյանը ասել էր, որ ապրիլի 29-ին չի նախատեսվում Մաքսային միությանը Հայաստանի անդամակցության փաստաթղթի ստորագրումը: Նրա խոսքով՝ ապրիլի 25-ին կկայանա Մաքսային միությանը Հայաստանի անդամակցությունը նախապատրաստող աշխատանքային խմբի հանդիպումը, որը կամփոփի բանակցությունների ընթացքը և արդյունքները կներկայացնի Մինսկի գագաթնաժողովին:
Ազա Բաբայան, Մոսկվա
Հարցին՝ կստորագրի՞ արդյոք Հայաստանը Մաքսային միությանը միանալու մասին որևէ փաստաթուղթ Մինսկում, պաշտոնյան հրաժարվեց պատասխանել և ասաց․ - «Հանդիպման նախօրեին մենք կներկայացնենք օրակարգը»:
Հիշեցնենք՝ օրերս Հայաստանի էկոնոմիկայի նախարարի պաշտոնակատար Վահրամ Ավանեսյանը ասել էր, որ ապրիլի 29-ին չի նախատեսվում Մաքսային միությանը Հայաստանի անդամակցության փաստաթղթի ստորագրումը: Նրա խոսքով՝ ապրիլի 25-ին կկայանա Մաքսային միությանը Հայաստանի անդամակցությունը նախապատրաստող աշխատանքային խմբի հանդիպումը, որը կամփոփի բանակցությունների ընթացքը և արդյունքները կներկայացնի Մինսկի գագաթնաժողովին:
Ազա Բաբայան, Մոսկվա
